سید علی ظفر نے کہا کہ مظاہرین سے قانون کے مطابق نمٹا جائیگا یہ پنجاب حکومت کی ذمے داری ہے تاہم میری رائے میں اس مسئلہ کو بیلنس کیا جانا چاہیے

۔ قبل ازیں کانفرنس سے خطاب میں سید علی ظفر نے کہا اظہار رائے اور مذہبی آزادی، جس کی بات ہمارے قائداعظم نے کی تھی بدقسمتی سے یہ صرف کاغذوں تک محدود ہے۔ پاکستان میں عدم استحکام میں سردجنگ کا بڑا کردار ہے، پاک فوج اور قوم کی قربانیوں کے باعث وہ جنگ تو ہم جیت گئے مگر جو لوگ دنیا بھر سے افغانستان گئے تھے ان کی واپسی کا نہیں سوچا گیا۔
سابق وزیراعظم نواز شریف اور مریم نواز کیخلاف عدالتی فیصلہ ہے، انھیں گرفتار ہونا ہوگا، یہ نہیں ہو سکتا کہ انھیں لاہور میں پھرنے دیں، انھیں ایئرپورٹ سے نہیں نکلنے دیا جائیگا، پنجاب حکومت اور انتظامیہ بدامنی پیدا نہیں ہونے دے گی، انتخابی عمل میں حصہ لینے والوں کیخلاف کریک ڈاؤن نہیں ہو رہا ہے۔