یوسف رضا گیلانی قرضہ معافی کیس میں عدالت نے فیصلہ سنادیا، جس کے تحت سابق وزیر اعظم کو الیکشن لڑنے کی مشروط اجازت ملی گئی

اعتراضات ہر بارلگتے ہیں، میرے خلاف کئی کیسزبنے، مگر میں سرخرو ہوا، ، عدلیہ کا احترام کرتے ہیں اور کرتے رہیں گے، مخالفین کو ناکامی ہوگی

تفصیلات کے مطابق یوسف رضا گیلانی کو الیکشن لڑنے کی مشروط اجازت مل گئی ہے. عدالتی حکم پریوسف رضاگیلانی نے راجن پور کی اراضی گروی رکھوادی ہے.

یوسف رضا گیلانی قرضہ معافی کیس میں عدالتی فیصلہ اپیلٹ ٹریبونل کے جج جسٹس قاضی امین احمد نے پڑھ کر سنایا.

فیصلے کے بعد سابق وزیر اعظم نے میڈیا سے گفتگو کرتے ہوئے کہا کہ الیکشن سے راہ فرار اختیار کرنے والوں نے ہتھکنڈےاستعمال کئے، مگر وہ ناکام رہے.

یوسف رضاگیلانی نے الیکشن میں بھاری اکثریت سے جیت کی پیش گوئی کرتے ہوئے کہا کہ ذوالفقار علی بھٹو نے آئین بنایا، میں نے بحال کرایا.

ان کا کہنا تھا کہ اعتراضات ہر بارلگتے ہیں، میرے خلاف کئی کیسزبنے، مگر میں سرخرو ہوا، ، عدلیہ کا احترام کرتے ہیں اور کرتے رہیں گے، مخالفین کو ناکامی ہوگی