کراچی :  میری ٹائم سیکیورٹی نے سمندر میں کارروائی کرکے بائیس بھارتی ماہی گیروں کو گرفتار کرلیا جبکہ تین کشتیاں بھی تحویل میں لے لی گئی۔

ترجمان پاکستان میری ٹائم ایجنسی نےکاروائی کرتے ہوئے پاکستانی سمندری حدود کی خلاف ورزی کرنے والے 22 بھارتی ماہی گیروں کو گرفتار کرلیا اور بھارتی ماہی گیروں کے زیر استعمال 3 کشتیاں بھی قبضے میں لے لی گئی۔

پاکستانی سمندری حدود میں گرفتار 22 بھارتی ماہی گیروں کوتھانہ ڈاکس پولیس نے سٹی کورٹ میں پیش کیا، عدالت نے ماہی گیروں کو جیل بھیجنے کا حکم دے دیا۔