ورلڈ ایتھلیٹکس چیمپئن شپ میں سلور میڈل جیتنے پر ایتھلیٹ ارشد ندیم کو قومی کرکٹر احمد شہزاد نے 10 لاکھ روپے کا چیک دے دیا۔
احمد شہزاد نے ارشد ندیم کو پاکستان کے لیے میڈل جیتنے پر مبارکباد بھی دی اور کہا کہ ارشد ندیم نے یہ میڈل جیت کر نئی تاریخ رقم کی۔
احمد شہزاد نے کہا کہ ارشد ندیم ایشین گیمز میں بھی پاکستان کے لیے میڈل جیتیں گے اور پیرس اولمپکس میں بھی میڈل اپنے سینے پر سجائیں گے۔
Arshad @ArshadOlympian1 has huge potential. One advice I gave him – Never Give Up and your dreams will become a reality. Humbled to do my part to stand beside a Superhero Talent of Athletics & our Pakistan.
I encourage all Sports Stars from all fields to come fwd & support him.… pic.twitter.com/bpmWAxsIEb
— Ahmad Shahzad 🇵🇰 (@iamAhmadshahzad) September 17, 2023
یہ بھی پڑھیں: ورلڈ ایتھلیٹکس چیمپئن شپ : ارشد ندیم نے پاکستان کیلئے پہلا میڈل جیت لیا
سوشل میڈیا پلیٹ فارم ایکس پر احمد شہزاد نے ارشد ندیم کے ہمراہ تصاویر بھی جاری کیں اور لکھا کہ ایک نصیحت جو میں نے انہیں کی، وہ یہ کہ کبھی ہار نہ مانیں اور بلاشبہ مسلسل محنت سے آپ کے خواب حقیقت بن جائیں گے۔
واضح رہے کہ ارشد ندیم نے حالیہ ورلڈ ایتھلیٹکس چیمپئن شپ میں چاندی کا تمغہ جیتا ہے اور ارشد کی یہ کامیابی ایتھلیٹکس ورلڈ چیمپئن شپ میں پاکستان کا پہلا میڈل ہے۔