آئیے ہم آپ کو مصنوعی ذہانت سے تخلیق شدہ فٹنس ماڈل سے ملواتے ہیں، ایتانا نامی ماڈل انسٹاگرام فٹنس ماڈل ہیں اور وہ صرف اسی کے ذریعے ایک ماہ میں کئی ہزار ڈالر کماچکی ہیں۔

ایتانا لوپز عرف فٹ ایتانا صرف چار ماہ سے انسٹاگرام پر ہیں، لیکن اس دوران ان کے فالوورز کی تعداد ایک لاکھ 10 ہزار سے زیادہ ہوگئی ہے، جس سے انہوں نے ایک ماہ میں چار ہزار ڈالرز سے زیادہ ریونیو حاصل کیا جو کسی بھی ایسے شخصیت کے لیے برے نہیں جو اپنا وجود ہی نہ رکھتی ہو۔

ایسے ورچوئل ماڈلز چند سالوں سے سامنے آئے اور پھر آرٹیفیشل انٹیلیجنس کے آغاز نے انہیں مزید حقیقی اور زیادہ مشہور کر دیا۔

اسی نئی لہر سے تخلیق کی جانے والی ڈیجیٹل انفلوئنسرز میں بارسلونا کی ایتانا خوبصورت، گلابی بالوں والی خاتون ماڈل ہیں، جنہوں نے چند ماہ کے اندر ایک لاکھ سے زیادہ فالوورز کو اپنی جانب متوجہ کرلیا ہے۔

 

View this post on Instagram

 

A post shared by Aitana Lopez (@fit_aitana)

ایتانا صرف اپنی تصاویر پوسٹ کرتی ہیں، کیونکہ ڈیجیٹل ویڈیو پوسٹ کرنا تو عام سی بات ہے، لیکن جب ان کی ہر تصویر پر ہزاروں لائیکس اور کمنٹس ہوں تو یہ خاص بات ہے اور ان کی شہرت کی وجہ سے ایک ماہ میں آمدنی 4 ہزار ڈالر سے زیادہ ہوچکی ہے۔

یہ پڑھیں : مصنوعی ذہانت (AI) معاشرے کیلئے خطرناک ہو سکتی ہے : امریکی صدر