اسلام آباد: شیخ رشید کا کہنا ہے کہ عمران خان آئی ایم ایف میں جائے تو حرام ہے یہ جائیں تو حلال ہے، پاکستان کی سیاست سے چاروں شریف مائنس ہیں۔

وزیرداخلہ شیخ رشید کا میڈیا سے گفتگو کرتے ہوئے کہنا تھا کہ کل جو اپوزیشن کے ساتھ ہوا اب کو ہوش کے ناخن لینے چاہیے، عمران خان آئی ایم ایف میں جائے تو حرام ہے یہ جائیں تو حلال ہے، 23 مرتبہ یہ قوم آئی ایم ایف میں گئی، حالات کی مجبوری کے باعث آئی ایم ایف میں گئے کوئی خوشی سے آئی ایم ایف میں نہیں جاتا۔

شیخ رشید کا کہنا تھا کہ 2 دو لانگ مارچ کریں گے ایک ہی کرلو، ہم آپ کے لانگ مارچ میں کوئی رکاوٹ نہیں ڈالیں گے۔ 23 مارچ کو پریڈ اور او آئی سی کے مہمان بھی آئے گے، پرائم منسٹر اگلے مہینے چین جا رہے ہیں، 10000 میگا وارڈ بجلی پیدا کرنے کے لیئے عمران خان نے دو ڈیم کی منظوری دی ہے۔

ان کا کہنا تھا کہ چاروں شریف پاکستان کی سیاست سے مائینس ہیں، اپوزیشن میں اندھی وہیل مچھلیاں ہیں، بے شک احتساب کا عمل کمزور رہا لیکن دنیا جانتی ہے ان دو خاندانوں نے اس ملک لو لوٹا، 14 مہینے میں بھی ہم گھر 18 مہینے میں بھی ہم گھر گئے ہیں۔ شہباز شریف نواز شریف سے زیادہ کرپٹ ہے ان کے خلاف کیسز کے جلد فیصلے ہوں گے۔

یہ بھی پڑھیں: نواز شریف کے آنے یا نہ آنے سے فرق نہیں پڑتا، کچھ نہیں ہونے والا : شیخ رشید

انہوں نے کہا کہ پنڈی کے لوگ کے لیئے خوشخبری ہے کہ نالہ لئی کا کام شروع ہونے والا ہے، نمبر ون سے دوستی اور نمبر ون سے دشمنی رکھتا ہوں، اس قوم کا اصل مسئلہ معاشی ہے 26 سو کلومیٹر باڑ لگ گئی ہے 21 کلومیٹر بھی ان کی رضا مندی کے ساتھ لگ جائے گی۔

وزیر داخلہ کا کہنا تھا کہ ساڑھے تین سال ہوگئے حکومت یہی ہے، انشااللہ 3 سے 4 ماہ میں مہنگائی پر قابو پالیں گے، آسمان پر نہیں بیٹھے ہم صبح شام اپنے حلقے میں ہیں، وزیراعظم سے آج ہی کہا آٹا مہنگا ہورہا ہے اس کا نوٹس لیں۔