بابر نہ صرف بڑا کھلاڑی ہے بلکہ بہادر کپتان بھی ہے : افتخار احمد

قومی ٹیم کے مڈل آرڈر بیٹر افتخار احمد کا کہنا ہے کہ بابر اعظم جتنا بڑا کھلاڑی ہے اتنا ہی بہادر کپتان بھی ہے۔

ایک انٹرویو میں مڈل آرڈر بیٹر کا کہنا تھا بابر اعظم جتنا بڑا کھلاڑی ہے اتنا ہی بڑا کپتان بھی ہے، وہ خود جس طرح دلیری کے ساتھ کھیلتا ہے اسی طرح کھلاڑیوں کو بھی دلیری سے کھیلنے کی تلقین کرتا ہے۔

افتخار احمد کا کہنا تھا بابر اعظم ہمیشہ پوری ٹیم کو سپورٹ کرتا ہے اور تمام کھلاڑیوں سے کہتا ہے کہ اگر آپ کو بیٹنگ، بولنگ، فیلڈنگ میں یا پھر کسی بھی قسم کا کوئی مسئلہ ہے تو مجھے بتائیں میں اس کا کوئی حل نکال لوں گا ۔

قومی آل راؤنڈر کا کہنا تھا تمام پاکستانیوں سے درخواست کرتے ہیں کہ ہمارے لیے دعا کریں کہ ہم ایشیا کپ جیت جائیں اور یہ خوشی ہم اپنے پاکستانیوں کو دیں۔