کراچی: نگراں وزیراعلیٰ سندھ نے تمام سرکاری یونیورسٹیز کی آڈٹ کرنے اور سرکاری یونیورسٹیز کو پینشن فنڈ قائم کرنے کی ہدایت دیدی۔

نگراں وزیراعلیٰ سندھ جسٹس (ر) مقبول باقر کی زیرصدارت یونیورسٹی اینڈ بورڈ کا اجلاس ہوا جس میں نگراں وزیراعلیٰ سندھ کو چیئرمین ایچ ای سی طارق رفیع نے ہائیر ایجوکیشن سندھ پر بریفنگ دی۔

اجلاس میں نگراں وزیراعلیٰ سندھ نے تمام سرکاری یونیورسٹیز کی آڈٹ کرنے اور سرکاری یونیورسٹیز کو پینشن فنڈ قائم کرنے کی ہدایت دیدی۔

یہ بھی پڑھیں: جامعہ پشاور نے اساتذہ کے بائیکاٹ کے باعث ریٹائرڈ پروفیسرز سے رابطہ کرلیا

انہوں نے کہا کہ پینشن فنڈ نہ ہونے کی وجہ سے آج کراچی یونیورسٹی کے رٹائرڈ ملازمین پریشان ہیں۔

ان کا کہنا تھا کہ ہماری یونیورسٹیز میں تحقیق کا کام تسلی بخش نہیں ہے پی ایچ ڈی پروگرام کو بہت بہتر کرنے کی ضرورت ہے میں نے سنا ہے نو یونیورسٹیز کی سینٹ کا اجلاس نہیں ہوتا یونیورسٹیز اپنی سینٹ کا اجلاس کروائیں۔