پاکستان میں موجود جرمن سفیر مارٹن کابلر بھی چترال میں ہونے والے شندور پولو فیسٹیول کے دیوانے نکلے۔

سماجی رابطے کی ویب سائٹ پر مارٹن کابلر نے شندور پولو فیسٹیول کی تصاویر جاری کرتے ہوئے لکھا کہ ان کا دل یقینی طور پر پاکستانی لگتا ہے جس کا اندازہ اس بات سے لگایا جاسکتا ہے کہ وہ پاکستان کی مثبت تصویر دنیا کے سامنے لانے سے کبھی نہیں چوکتے۔

ٹیم #چترال کا بہت شکریہ! شندور پولو میں آپکے زبردست گھوڑوں کی سواری کرنا ایک دلچسپ تجربہ رہا. سچ کہوں تو میں تھوڑا ڈر گیا تھا مگر گھوڑے بہت منجھے ہوئے تھے! شاندار تجربہ! کیا آپ نے #پاکستان میں کبھی گھڑ سواری کی ہے؟ pic.twitter.com/LyQOnb6n2Q

— Martin Kobler (@KoblerinPAK) July 13, 2018

انہوں نے چترال کی انتظامیہ کا شکریہ ادا کرتے ہوئے پاکستانی عوام سے سوال کیا کہ کیا آپ نے کبھی گھوڑ سواری کی ہے؟

واضح رہے کہ مارٹن کابلر وہ شخصیت ہے جو نہ صرف پاکستان کی خوبصورتی سے متاثر ہیں بلکہ دنیا کو یہ پیغام بھی دینے کی کوشش کرتے ہیں کہ پاکستان ایک پر امن ملک ہے جہاں وہ آزادانہ اور پرسکون ماحول میں زندگی گزار رہے ہیں ۔