معروف ٹک ٹاکر حریم شاہ نے کرکٹ ورلڈ کپ میں انڈین ٹیم کی شکست پر خوشی کا اظہار کرتے ہوئے مداحوں کیلئے تحفوں کا اعلان کردیا۔

ٹک ٹاکرحریم شاہ نے سماجی رابطے کی ویب سائٹ ایکس پر اعلان کیا کہ انڈیا کے ہارنے کی خوشی میں آج 2 آئی فون 15 بانٹ رہی ہوں۔
انہوں نے پوسٹ میں لکھا کہ انڈیا کی ہار پردل خوش ہوگیا ہے آج میرا۔  انعام جیتنے کے لیے میری پروفائل پر جاکر پہلی پوسٹ کو لائک شئیر کریں، آج انعام ہی انعام ہیں ۔

یاد رہےاحمد آباد کے نریندر مودی کرکٹ اسٹیڈیم میں کھیلے گئے آئی سی سی ورلڈ کپ 2023ء کے فائنل میں بھارت کا 241 رنز کا ہدف آسٹریلیا نے 43 اوورز میں چار وکٹوں کے نقصان پر بنایا ہے۔

آسٹریلیا کرکٹ ورلڈ کپ کی تاریخ میں سب سے زیادہ چھ بار چیمپئن بننے والی ٹیم بن گئی ہے جو اس سے قبل 1987، 1999، 2003، 2007 اور 2015 میں بھی ٹائٹل اپنے نام کرچکی ہے۔

واضح رہے کہ بھارت کی یہ ٹورنامنٹ میں پہلی شکست تھی، بھارتی ٹیم ورلڈ کپ میں اپنے تمام 9 لیگ میچز میں کامیابی کے بعد سیمی فائنل میں بھی کامیاب ہوئی تھی تاہم فائنل میں کینگروز نے بھارتی ارمانوں پر پانی پھیر دیا۔

یہ پڑھیں:آئی سی سی نےورلڈ کپ فائنل کی پِچ اور آفیشلز کا اعلان کردیا