کبھی سوچا نہیں تھا کہ پاکستان کیلئے ایشیا کپ جیسا ٹورنامنٹ کھیلوں گا: زمان خان

کولومبو: زمان خان کا کہنا ہے کہ پلیئنگ الیون میں منتخب کیے جانے پر بے حد خوشی محسوس ہوئی تھی، میں نے کبھی سوچا بھی نہیں تھا کہ پاکستان کیلئے اتنے بڑے لیول پر ایشیا کپ جیسا ٹورنامنٹ کھیلوں گا۔

پاکستان کرکٹ بورڈ کی جانب سے شیئر کی گئی ویڈیو میں پاکستانی فاسٹ بولر زمان خان نے کہا کہ کبھی سوچا بھی نہیں تھا کہ میں پاکستان کیلئے اتنے بڑے لیول پر ایشیا کپ جیسا ٹورنامنٹ کھیلوں گا۔

ان کا کہنا تھا کہ ایشیا کپ پلیئنگ الیون میں منتخب کیے جانے پر بے حد خوشی محسوس ہوئی تھی، اس سے قبل ٹی ٹوئنٹی میں ڈیبیو کرچکا ہوں اور اب سینئر پلیئرز کے ساتھ پریکٹس سیشن بھی اچھا رہا ہے۔

یہ بھی پڑھیں: ایشیا کپ :سری لنکا کیخلاف میچ کیلئے پاکستان ٹیم میں 5 تبدیلیاں

زمان خان نے کہا کہ حارث رؤف اور شاہین ان وکٹوں پر کئی میچز کھیل چکے ہیں ان سے رہنمائی بھی لی ہے ان کی رہنمائی پر عمل کرتے ہوئے آج بولنگ کروں گا۔

Zaman Khan is all set to make his ODI debut tomorrow 🙌#PAKvSL | #AsiaCup2023 pic.twitter.com/c2LzkYyVxm

— Pakistan Cricket (@TheRealPCB) September 13, 2023

واضح رہے کہ پاکستان نے سری لنکا کے خلاف ایشیا کپ کے سپر 4 کے اہم میچ کے لیے 5 تبدیلیاں کی ہیں، جس کے مطابق محمد حارث، سعود شکیل، محمد نواز، محمد وسیم جونیئر اور زمان خان کو قومی ٹیم میں شامل کیا گیا ہے۔

فخر زمان، سلمان علی آغا، فہیم اشرف، نسیم شاہ اور حارث رؤف سری لنکا کے خلاف میچ میں آرام کریں گے۔