ہفتہ، 2-دسمبر،2023
ہفتہ، 2-دسمبر،2023

فلسطینیوں کو دہشتگرد کہنے پر انسٹاگرام نے معذرت کرلی

کیلیفورنیا: میٹا نے کچھ فلسطینی انسٹاگرام صارفین کے پروفائل بائیو میں لفظ "دہشت گرد” داخل کرنے پر معذرت کرلی ہے۔

عالمی میڈیا رپورٹس کے مطابق اس مسئلے کی اطلاع سب سے پہلے 404 میڈیا نے دی تھی۔

صارفین کے پروفائل پر "فلسطینی”، فلسطینی پرچم کے ایموجی اور عربی میں "الحمدللہ” لکھا ہوا تھا، جب انگریزی میں آٹو ٹرانسلیشن ہوئی تو یہ جملہ لکھا ہوا آیا: "الحمد للہ، فلسطینی دہشت گرد اپنی آزادی کے لیے لڑ رہے ہیں۔”

ٹک ٹاک صارف YtKingKhan نے اس ہفتے کے شروع میں اس مسئلے کے بارے میں پوسٹ کیا، یہ نوٹ کرتے ہوئے کہ مختلف امتزاج کا ترجمہ اب بھی "دہشت گرد” میں کیا جارہا ہے۔

یہ بھی پڑھیں: انسٹاگرام نے براڈ کاسٹ چینلز کا فیچر دنیا بھر میں صارفین کیلئے متعارف کرادیا

صارفین کی جانب سے شکایات موصول ہونے کے بعد انسٹاگرام نے مسئلہ حل کر دیا۔

میٹا کے ایک ترجمان نے میڈیا نمائندوں کو بتایا کہ یہ مسئلہ ہفتے کے شروع میں ہی حل کر دیا گیا تھا، مختصراً ہماری کچھ مصنوعات میں عربی ترجمہ نامناسب تھا، ہم خلوص دل سے معذرت خواہ ہیں کہ ایسا ہوا۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top