جڑواں شہروں کے اخبارات کے ایڈیٹروں کے اعزاز میں دیے گئے عشائیے کے دوران نجی اخبار کے رپورٹر کے سوال پرایرانی سفیر رضا امیری نے کہا کہ ایران اور پاکستان کے دارالحکومتوں کے درمیان براہ راست پروازیں شروع ہوں گی اس کیلئے ایران نے پاکستان کو باضابطہ تجویزبھی دی ہے ، پاکستان نے اس تجویز کی کابینہ سے منظوری لینے کے بعد پروازیں شروع کرنے کے بارے میں اتفاق کر لیا ہے۔
ایرانی سفیرنے بتایا کہ پاکستان نے پی آئی اے کو اسلام آباد سے ایران کیلئے ففتھ فریڈم کی سہولت مانگی ہے، ایران نے بھی اسی طرح کی سہولت اپنی چار ائیر لائنوں کیلئے طلب کی ہے، فی الحال لاہور اور کراچی سے مشہد کیلئے پروازیں چل رہی ہیں۔
رضا امیری مقدم نے کہا کیونکہ امریکی پابندیاں ہیں اس لیے ہم ایسا حل چاہتے ہیں کہ پاکستان اگر ایران سے گیس پائپ لائن لے تو اس کو پریشانی نہ ہو۔
ایرانی سفیرنے کہا کہ پاکستان کو بجلی گیس کی گرانی کا سامنا ہے اس مسئلے کو حل کرنے کیلئے ایران پاکستا ن کو سستی گیس، سستی بجلی اور سستا تیل فراہم کرنے کی پوزیشن میں موجودہے۔
ایک سوال کے جواب میں رضا امیری مقدم نے کہا کہ ایران نے چین کی کاوشوں سے سعودی عرب کے ساتھ تعلقات کی بحالی کے متعلق پاکستان کا شکریہ ادا کیا اسی طرح عراق، عمان اور چین کا بھی شکریہ ادا کیا۔
یہ پڑھیں : عالی تنظیم برکس میں ایران اور سعودی عرب سمیت 6 ممالک کی رکنیت کا اضافہ