اسرائیلی فوج کی غزہ پر وحشیانہ بمباری جاری ہےاسرائیلی فوج نے غزہ میں مسجد پر حملہ کر کے50نمازیوں کو شہیدکردیا جبکہ متعدد افراد زخمی ہوگئے ہیں۔

غیر ملکی میڈیاکے مطابق اسرائیلی طیاروں نے وسطی غزہ کے علاقے سبرا میں مسجد پراس وقت بمباری کی جب مسجد میں نماز جاری تھی اور مسجد نمازیوں سے بھری ہوئی تھی۔

دوسری جانب اسرائیلی فوج ایک بار پھر غزہ کے الشفا اسپتال میں داخل ہوگئی ،جنوبی داخلی راستے کے کچھ حصے تباہ کر دئیےگئے ہیں۔

اسرائیل کی دن رات بمباری سے شہید فلسطینیوں کی تعداد 12 ہزار کے قریب پہنچ گئی ہیںجبکہ شہدا میں ساڑھے4 ہزار سے زائد بچے اور 3 ہزار سے زائد خواتین شامل ہیں۔

دوسری جانب القسام بریگیڈ نے اسرائیلی فوج کے ہتھیار ملنے کے دعوؤں کو مسترد کردیاہے،کمانڈ اینڈ کنٹرول سینٹر ملنے کا دعویٰ بھی جھوٹا ہے۔

انہوں نے کہا کہ اسرائیل کی مزید 11گاڑیاں ، بلڈوزر اور ٹینک تباہ کردیےہیں،اسرائیلی فوج کو راکٹوں سے نشانہ بنایاجس سےمتعدد افرادہلاک اور زخمی ہوئے ہیں۔

میڈیا کے مطابق اسرائیل نے سلامتی کونسل کا غزہ پر حملے میں وقفے کا مطالبہ بھی مکمل مسترد کردیا ہے۔

یہ پڑھیں : اسرائیل نےفلسطینیوں کی نسل کشی بند نہ کی تو جنگ مزید پھیلے گی