لاہور : انسداد دہشتگردی کی عدالت نے پاکستان تحریک انصاف کے رہنما اعجاز چوہدری کے جوڈیشل ریمانڈ میں توسیع کردی۔
لاہور کی انسداددہشتگردی عدالت میں 9 مئی کے روز عمران خان کی گرفتاری کے بعد تھانہ شادمان کو نذر آتش اور توڑپھوڑ کے کیس کی سماعت کی جس میں جیل پولیس نے اعجاز چوہدری کو جوڈیشل ریمانڈ ختم ہونے پر عدالت میں پیش کیا۔
عدالت نے مختصر سماعت کے بعد اعجاز چوہدری کے جوڈیشل ریمانڈ میں 13 روز کی توسیع کردی۔
یاد رہے کہ اعجاز چوہدری کے خلاف تھانہ شادمان میں مقدمہ درج ہے، انہیں 11 مئی کو گلگت بلتستان ہاؤس سے 3 ایم پی او کے تحت گرفتار کیا گیا تھا۔
یہ پڑھیں : رہنما پی ٹی آئی علی محمد خان اور سینیٹر اعجاز چوہدری کو گرفتار کرلیا گیا