اسلام آباد: صدر مملکت عارف علوی نے عید میلاد النبیﷺ کے موقع پر قیدیوں کی سزاؤں میں خصوصی کمی کا اعلان کردیا۔

صدر نے آئین کے آرٹیکل 45 کے تحت قیدیوں کی سزاوں میں 90 روز کی کمی کی منظوری دی ہے۔

سزاؤں میں کمی کا اطلاق قتل، جاسوسی اور ریاست مخالف سرگرمیوں میں ملوث قیدیوں پر نہیں ہوگا۔

سزاؤں میں کمی کا اطلاق زنا، چوری، ڈکیتی، اغواء اور دہشت گردی میں سزا یافتہ مجرموں، مالی جرائم اور قومی خزانے کو نقصان پہنچانے والے مجرموں پر بھی نہیں ہوگا۔

یہ بھی پرھیں: کراچی: 12 ربیع الاول کے جلوسوں کا ٹریفک پلان جاری کردیا گیا

سزاؤں کا اطلاق 65 سال سے زائد عمر کے مرد و خواتین قیدی جو اپنی ایک تہائی قید کاٹ چکے، ان پر ہوگا۔

اس کے علاوہ 18 سال سے کم عمر افراد جو اپنی ایک تہائی سزا کاٹ چکے ان پر بھی سزا میں کمی کا اطلاق ہوگا۔