ممبئی: بالی وڈ کی نامور اداکارہ رانی مکھرجی نے انکشاف کیا ہے کہ 2020 میں ان کا پانچ ماہ کا حمل ضائع ہوگیا تھا۔
اداکارہ رانی مکھر جی نے انڈین فلم فیسٹیول میلبرن کے خصوصی ایونٹ میں گفتگو کے دوران بتایا کہ انہوں نے اپنی نئی فلم ’مسز چیٹرجی ورس ناروے‘ کی تشہیری مہم کے دوران اپنے مس کیرج کے واقعہ کو بیان نہیں کیا ورنہ لوگ اسے ایک تشہیری طریقہ سمجھتے۔
رانی نے بتایا کہ وہ کورونا وبا کے دوران دوسری مرتبہ حاملہ ہوئی تھیں لیکن پانچویں مہینے ہی ان کا مس کیرج ہوگیا۔
یہ بھی پڑھیں: پیدائش کے وقت مجھے کسی دوسرے بچے سے تبدیل کردیا گیا تھا: رانی مکھرجی
انہوں نے بتایا کہ ان کے حمل ضائع ہونے کے دس دن بعد فلم کے پروڈیوسر نے اسکرپٹ کے ساتھ رابطہ کیا اور انہیں فلم کی کہانی اپنی ذہنی حالت سے قریب محسوس ہوئی۔
واضح رہے کہ رانی مکھر جی نے یش چوپڑا کے ہیڈ ادیتیہ چوپڑا سے شادی کی ہے اور 2015 میں ان کے ہاں ایک بیٹی پیدا ہوئی تھی۔