کیریبین پریمیئر لیگ (سی پی ایل) میں پاکستان کے صائم ایوب نے شاندار بیٹنگ کا مظاہرہ کرتے ہوئے اپنا لوہا منوالیا۔
گیانا ایمیزون واریئرز کی طرف سے کھیلتے ہوئے صائم ایوب نے جمیکا تھلاواز کیخلاف نصف سینچری بنائی، 53 گیندوں پر 85 رنز بناکر صائم ایوب مین آف دی میچ قرار پائے۔
صائم کی اننگ میں 5 چھکے اور 5 چوکے شامل تھے جب کہ یہ سی پی ایل میں صائم ایوب کی مسلسل تیسری ففٹی ہے، صائم ایوب نے اس سے قبل بارباڈوس رائیلز اور ٹرنبیگو نائٹ رائیڈرز کیخلاف بھی ففٹیاں اسکور کی تھیں۔
یہ بھی پڑھیں: بابر کے بعد صائم ایوب کی صورت میں پاکستان کو ایک اچھا کھلاڑی ملا : فخر زمان
صائم ایوب مسلسل 3 ففٹیز کے بعد سی پی ایل کے ٹاپ اسکورر بن گئے ہیں، جبکہ انہوں نے ٹورنامنٹ کی 7 اننگز میں 288 رنز بنائے ہیں۔