کراچی: قومی ٹیم کے کپتان بابر اعظم کی جگہ شاہین آفریدی کے کپتان بننے سے متعلق خبروں پر شاہد آفریدی نے سخت ردعمل کا اظہار کیا ہے۔
حال ہی سوشل میڈیا پر خبر سامنے آئی تھی کہ شاہد آفریدی نے کہا کہ شاہین آفریدی بابر اعظم سے بہتر انداز میں پاکستان ٹیم کی قیادت کرسکتے ہیں۔
تاہم شاہد آفریدی نے نجی میڈیا سے گفتگو کے دوران اس بیان کی سختی سے تردید کرتے ہوئے کہا کہ میں ان دنوں ایک ہی چینل پر بیٹھ کر بات کرتا ہوں، مجھے سمجھ نہیں آرہا لوگ مجھ سے متعلق اپنی طرف سے باتیں کیوں بنارہے ہیں؟
یہ بھی پڑھیں: ایشیا کپ: پاکستان کو بھارت سے بدترین شکست، شاہد آفریدی کا بیان سامنے آگیا
سابق کرکٹر نے مزید کہا کہ میں تو وہ واحد انسان ہوں جو شاہین کو کپتان بننے سے دور رکھتا ہوں۔
واضح رہے کہ گزشتہ روز اطلاعات سامنے آئی تھیں کہ قومی ٹیم کے فاسٹ بولر شاہین شاہ آفریدی کو شاداب خان کی جگہ نائب کپتان بنائے جا نے کا قوی امکان ہے۔