کراچی : سندھ کی نگراں حکومت نے جرائم کی روک تھام کے لئے تھانوں میں این پی اوز تعینات کرنے کا فیصلہ کیا ہے۔
تھانوں میں نگراں ایس ایچ اوز بھی تعینات کرنے کا فیصلہ کیا گیا ہے،رات 10 بجے کے بعد نگراں ایس ایچ اوز فرائض سر انجام دیں گے۔
نگراں ایس ایچ او رات میں تھانے کے تمام امور کا ذمے دار ہو گااور انھیں نائٹ پیٹرولنگ افسرکے نام سے لکھا اور پکارا جائے گا۔
تمام پولیس اسٹیشنز میں نائٹ پیٹرولنگ افسرز تعینات کیے جائیں گے،ناکوں، چوکیوں اور کسی بھی کرائم کا ذمے دار نائٹ پیٹرولنگ افسر ہو گا۔
ایس ایچ او کی قابلیت رکھنے والے افسرز کو این پی او کا چارج دیا جائے گا اوراچھی کارکردگی رکھنے والے افسران کو مستقل ایس ایچ او لگا دیا جائے گا۔
یہ پڑھیں : کراچی میں اسٹریٹ کرائم کا نیا ریکارڈ قائم ، صرف 8 ماہ میں57 ہزار زائد وارداتیں