بنوں کے علاقے جانی خیل میں فوجی قافلےکے قریب خودکش حملے میں پاک فوج کے 9 جوان شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق فوجی قافلے کے قریب موٹرسائیکل سوار حملہ آور نے خودکش حملہ کیا۔
خودکش حملے میں پاک فوج کے 9 جوان شہید اور 5 سکیورٹی اہلکار زخمی بھی ہوئے۔
واقعےکے بعد سکیورٹی فورسز نے علاقےکا محاصرہ کرکے سرچ آپریشن شروع کردیا ہے۔
آئی ایس پی آر کا کہنا ہےکہ پاکستان کی سکیورٹی فورسز دہشت گردی کی لعنت کو ختم کرنے کے لیے پرعزم ہیں، ہمارے بہادر سپاہیوں کی ایسی قربانیاں ہمارے عزم کو مضبوط کرتی ہیں۔
نگراںوزیراعظم انوارالحق کاکڑ نے ایک بیان میں کہا کہ دہشت گردی سراسر قابل مذمت ہے ،اس کے خلاف پرعزم ہیں، میری ہمدردیاں شہداء اور زخمیوں کے اہل خانہ کے ساتھ ہیں۔
یہ پڑھیں : ڈی آئی خان : سیکورٹی فورسز کی گاڑی کے قریب خودکش حملہ، دو جوان شہید، 19 زخمی