راولپنڈی: شیخ رشید احمد نے آج روپوشی ختم کرکے منظرعام پر آنے کا اعلان کردیا۔

عوامی مسلم لیگ کے سربراہ شیخ رشید نے اپنے ویڈیو بیان میں کہا کہ وہ آج رات 10 بجے راولپنڈی میں جشن آزادی کا خطاب کریں گے۔

ان کا کہنا تھا کہ 50 سال سے 13 اگست کو جشن آزادی کا خطاب کر رہا ہوں، عوام آج راجا بازار، کمیٹی چوک یا چاندنی چوک پر آنے کیلئے تیار رہیں۔

انہوں نے کہا کہ پولیس لال حویلی سے لاؤڈ اسپیکر اور آتش بازی کا ٹرک لے گئی ہے، ہم اصلی اور نسلی لوگ ہیں، دوستی اور دشمنی قبر تک لے کر جاتے ہیں، مجھے کچھ ہوا تو ذمہ دار موجودہ حکمران ہی ہوں گے۔