جی ٹی وی نیٹ ورک
کھیل

سوئیڈن نے سوئٹزرلینڈ کو شکست دے کر کوارٹر فائنل میں جگہ بنالی

سوئیڈن نے سوئٹزرلینڈ کو شکست دے کر کوارٹر فائنل میں جگہ بنالی

فیفا ورلڈ کپ کے پری کوارٹر فائنل مرحلے میں سوئیڈن نے سوئٹزرلینڈ کو شکست دے کر کوارٹر فائنل میں جگہ بنالی ہے، میچ کا واحد گول سوئیڈن کے فورس برگ نے کیا۔

تفصیلات کے مطابق فیفا ورلڈ کپ کے پری کوارٹر فائئل کے ناک آؤٹ مرحلے میں سوئیڈن نے فورس برگ کے گول کی بدولت سوئٹزرلینڈ کو 1-0 سے شکست دے کر گھر بھیج دیا۔

میچ کا واحد گول سوئیڈن کے فورس برگ نے 66 ویں منٹ میں کیا، سوئٹزرلینڈ نے مخالف ٹیم کے گول پوسٹ پر متعدد بار حملے کیے لیکن گول کرنے میں ناکام رہے

پری کوارٹر فائنل کی فاتح سوئیڈن کا کوارٹر فائنل میں مقابلہ کولمبیا اور انگلینڈ کے میچ کے فاتح سے ہوگا۔

واضح رہے کہ پری کوارٹر فائنل کی لائن اپ آج مکمل ہوجائے گی اور کوارٹر فائنل مرحلے میں آٹھ ٹیمیں ٹکرائیں گی، خیال رہے کہ گزشتہ روز کھیلے جانے والے میچز میں میکسیکو کو برازیل نے دو کے مقابلے میں صفر گول سے شکست دی تھی۔

 

متعلقہ خبریں