جی ٹی وی نیٹ ورک
Uncategorized

قابض اسرائیلی فورسز نے نماز جمعہ کے بعد مسجد اقصیٰ پر دھاوا بول دیا

قابض اسرائیلی فورسز نے نماز جمعہ کے بعد مسجد اقصیٰ پر دھاوا بول دیا

مقبوضہ بیت المقدس: فلسطین میں قابض اسرائیلی فورسز اور نمازیوں میں جھڑپیں ہوئیں جس کے نتیجے میں 15 افراد زخمی ہوگئے۔

عرب میڈیا کے مطابق فلسطین میں قابض اسرائیلی فورسز نے نماز جمعہ کے بعد مسجد اقصیٰ پر دھاوا بول دیا، اسرائیل فورسز اور نمازیوں میں جھڑپوں کے دوران 15 افراد زخمی ہوئے، نمازیوں پر آنسو گیس کی شیلنگ، پیلٹ گن کا استعمال کیا گیا۔

مسجد اقصی کے احاطے میں ہزاروں بچے، خواتین، بوڑھے بھی موجود ہیں جبکہ اسرائیلی فورسز نے مسجد اقصیٰ کے داخلی دروازے سیل کردئیے ہیں۔

واضح رہے کہ مغربی کنارے میں فلسطینی مہاجرین کیمپ میں اسرائیلی فورسز کی فائرنگ سے ایک 15 سالہ فلسطینی لڑکا ارکن مظہر شہید ہوگیا تھا جبکہ دو فلسطینیوں کو گرفتار کرلیا گیا تھا۔

یاد رہے کہ چند روز قبل بھی اسرائیلی فوج کی جانب سے غزہ بارڈر کے قریب فائرنگ کی گئی تھی جس کے نتیجے میں تین نہتے فلسطینی شہید ہوگئے تھے۔

متعلقہ خبریں