جی ٹی وی نیٹ ورک
Uncategorized

میرا نے اب ”میرا فاﺅنڈیشن“ کے نام پر بھی فنڈ ریزنگ مہم شروع کردی

میرا نے اب ”میرا فاﺅنڈیشن“ کے نام پر بھی فنڈ ریزنگ مہم شروع کردی

 اداکارہ میرا نے فلاحی ہسپتال کے بعد اب ”میرا فاﺅنڈیشن“ کے نام پر بھی فنڈ ریزنگ مہم شروع کردی۔

اداکارہ میرا نے ہسپتال کے بعد اب ”میرا فائونڈیشن “نامی پراجیکٹ پراپنی تمام ترتوجہ مرکوز کردی ہے اوراسی لیے وہ دبئی میں مقیم بھی ہیں۔ اس دوران انھوں نے بہت سے لوگوں سے ملاقات کی کوشش بھی کی ہے، جن میں انہیں ابھی تک ناکامی کا سامنا رہا ہے۔ لیکن انھوں نے اس ”مہم“ کے لیے دبئی میں مقیم کچھ لوگوں کی خدمات بھی حاصل کرلی ہیں، جوان کی ملاقات اہم کاروباری شخصیات سے کروانے کے لیے کوشاں ہیں۔

اداکارہ میرا کی جانب اس مہم میں فنڈریزنگ کے لیے اپنا اورسٹارمیکرجراررضوی کانمبر بھی دیدیا ہے۔ لیکن جب اس سلسلہ میں جراررضوی سے رابطہ کیا گیا توان کا کہنا تھا کہ اداکارہ میرا کے ہسپتال اورمیرا فاو¿نڈیشن سے کوئی تعلق نہیں ہے۔ میرا فون نمبرمیری اجازت کے بغیردیا گیا ہے، جوکہ انتہائی غیراخلاقی حرکت ہے۔فلمسٹار میرا کے اس پراجیکٹ کے بارے میں فلم کے سنجیدہ حلقوں کا کہنا ہے کہ اداکارہ میرا کا فنی سفرتقریباً ختم ہوچکا ہے۔

انھوں نے اپنے کیرئیرمیں بہت سی اچھی فلموں میں کام کیا ہے لیکن گزشتہ برسوں سے وہ جس طرح سے ”شہرت اورکام “ حاصل کرنے کے لیے سکینڈلز بنوا رہی ہیں، اس سے ان کی ہی نہیں بلکہ پاکستان فلم انڈسٹری کی ساکھ بھی متاثرہوئی ہے

انھوں نے جب ہسپتال بنانے کا اعلان کیا تھا توبہت سے لوگ ان کے ساتھ تھے لیکن ہسپتال کی تعمیر کے لیے جمع ہونے والی رقم کا آج تک کسی علم نہیں کہ وہ کہاں ہے ؟ ایسے میں ایک نیا فلاحی پراجیکٹ شروع کرنا تو اچھی بات ہے لیکن اس کومستحق لوگوںتک پہنچایا جائے تواس کا فائدہ ہوگا۔ ہم سمجھتے ہیں کہ میرا کوفلاحی کاموں پرتوجہ دینے کے بجائے نجی زندگی کو بہتر بنانے پر توجہ دینی چاہیے۔

متعلقہ خبریں