جی ٹی وی نیٹ ورک
بلوچستان

نگراں وزیراعظم کی شہید سراج رئیسانی کے اہل خانہ سے تعزیت

نگراں وزیراعظم کی شہید سراج رئیسانی کے اہل خانہ سے تعزیت

کوئٹہ : صوبہ بلوچستان کے دارالحکومت کوئٹہ میں نگراں وزیراعظم جسٹس ریٹائرڈ ناصرالملک ساراوان ہاؤس پہنچے جہاں انہوں نے بلوچستان عوامی پارٹی کے شہید رہنما سراج رئیسانی کے اہل خانہ سے تعزیت کی۔

تفصیلات کے مطابق نگراں وزیراعظم ناصرالملک آج ساراوان ہاؤس پہنچے جہاں انہوں نے سانحہ مستونگ میں شہید ہونے والے سراج رئیسانی کے اہل خانہ سے تعزیت کی اور مرحوم کے ایصال ثواب کے لیے فاتحہ خوانی بھی کی۔

اس موقع پر چیئرمین سینیٹ محمد صادق سنجرانی اورنگران وزیراعلیٰ بلوچستان علاؤالدین مری بھی ان کے ہمراہ موجود تھے۔

اس سے قبل آج صبح نگراں وزیراعظم ناصرالملک کوئٹہ پہنچے جہاں انہوں نے سی ایم ایچ میں سانحہ مستونگ میں زخمی ہونے والے افراد کی عیادت کی اور ان کی جلد صحت یابی کے لیے دعا کی۔

خیال رہے کہ نگراں وزیراعظم ناصرالملک کوئٹہ کے ایک روزہ دورے کے دوران گورنر اور وزیراعلیٰ بلوچستان سے ملاقات کرنے کے بعد امن وامان کے سلسلے میں ہونے والے اجلاس کی صدارت کریں گے۔

متعلقہ خبریں