جی ٹی وی نیٹ ورک
بریکنگ نیوز

قومی خزانے کو 53 ارب روپے کا نقصان پہنچائے جانے کا انکشاف

لاہور : پنجاب میں 56 کمپنیز اسکینڈل میں لاہور ویسٹ مینجمنٹ کمپنی کی تحقیقات میں بڑی پیش رفت ہوئی ، جس کے بعد جلد اہم گرفتاریوں کا امکان ہے جبکہ نیب کو شہباز شریف سمیت سیاستدانوں کے خلاف اہم ریکارڈ مل گیا ہے۔

تفصیلات کے مطابق نیب ذرائع کا کہنا ہے لاہور ویسٹ مینجمنٹ کمپنی کی تحقیقات میں بڑی پیش رفت سامنے آئی ہے، لاہور میں صفائی کے نام پر قومی خزانے کو 53 ارب روپے کا نقصان پہنچائے جانے کا انکشاف ہوا ہے۔

ذرائع کا کہنا ہے کہ صفائی کمپنی میں 9 سیاستدانوں،7 بیوروکریٹس سمیت 22 افراد کے گرد گھیرا تنگ ہو گیا ہے جبکہ شہباز شریف سمیت سیاستدانوں کے خلاف بھی نیب کو اہم ریکارڈ مل گیا ہے۔

ذرائع کے مطابق سابق ڈی سی اوز اور بورڈ آف ڈائریکٹرز بھی لوٹ مار میں ملوث ہے، بعض سیاستدانوں اور بیوروکریٹس نے تحقیقات میں نیب کیساتھ تعاون نہیں کیا۔ ذرائع نے اس کیس میں جلد اہم گرفتاریوں کا امکان ظاہر کیا ہے۔

 

متعلقہ خبریں