جی ٹی وی نیٹ ورک
دلچسپ و عجیب

تعلیم جیت گئی دہشت گردی ہار گئی : آرمی پبلک اسکول کا زخمی آکسفورڈ یونیورسٹی طلبہ یونین کا صدرمقرر

آکسفورڈ یونیورسٹی طلبہ یونین

تعلیم جیت گئی دہشت گردی ہار گئی ، آرمی پبلک اسکول میں زخمی ہونے والے احمد نواز آکسفورڈ یونیورسٹی طلبہ یونین کا صدربن گیا۔

پاکستانی طالب علم احمد نواز نے آکسفورڈ یونیورسٹی یونین کی بحیثیت صدر ذمہ داریاں سنبھال لی ہیں،سانحہ آرمی پبلک اسکول میں زخمی ہونے والے احمد نواز لیڈی مارگریٹ ہال کالج میں سیاسیات کے طالبعلم ہیں۔

احمد نواز نے ٹوئٹ میں کہا کہ ’ صدر کے طور پر آخر کار اپنے فرائض سنبھالنے پر بے حد فخر محسوس کر رہا ہوں۔ میں اپنے دورِ صدارت میں اس بات کا خواہاں ہوں کہ عالمی رہنما اہم مسائل پر بحث کریں، اس پلیٹ فارم کے ذریعے نوجوانوں کو بااختیار بنائیں اور آزادیٔ اظہار کو برقرار رکھیں!‘

آکسفورڈ یونیورسٹی کی تاریخ میں سانحہ آرمی پبلک اسکول میں زخمی ہونے والے طالب علم احمد نواز دوسرے پاکستانی ہیں جو اس عہدے کی ذمہ داریاں سنبھال رہے ہیں۔

اس سے قبل پاکستان کی سابق وزیراعظم بینظیر بھٹو بھی آکسفورڈ یونیورسٹی کی طلبا یونین کی صدر رہ چکی ہیں۔

خیال رہے کہ احمد نواز آرمی پبلک اسکول دہشت گرد حملے میں زخمی ہوئے تھے جبکہ ان کے بھائی شہید ہوگئے تھے۔

یہ پڑھیں  : اے پی ایس سانحہ : شہداء کے والدین سپریم کورٹ سے مطمئن، وزیراعظم پر عدم اعتماد

متعلقہ خبریں