جی ٹی وی نیٹ ورک
دلچسپ و عجیب

بھارت: مہلک وائرس کے خاتمے کیلئے ‘کورونا دیوی’ کی پوجا

میں

بھارت کورونا وائرس سے شدید متاثر ہونے والے ممالک میں شمار ہوتا ہے اور یہاں کے لوگ وائرس کے خاتمے کے لیے عجیب و غریب حکمت عملی اپنا رہے ہیں۔

بھارتی میڈیا کے مطابق مغربی بنگال میں خواتین کے ایک گروہ نے کورونا وائرس سے لڑنے کے لیے ایک انوکھی حکمت عملی اپنانے کا فیصلہ کیا۔

ان خواتین کے گروہ نے کورونا وائرس سے لڑنے کے لیے ‘کورونا دیوی’ اور ‘کورونا مائی’ کی پوجا کرنا شروع کردی اور اس ضمن میں انہوں نے ایک چھوٹی سی جگہ مختص کردی جہاں یہ سب پوجا پاٹ کرنے کے ساتھ ساتھ پھل، سبزیاں اور گُڑ بھی چڑھاتی ہیں۔

یہ بھی پڑھیں: کورونا سے بچاؤ کیلئے بھارتی شخص نے سونے کا ماسک پہن لیا

ان خواتین کا کہنا ہے کہ اس طرح سے پوجا کرنے سے کورونا وائرس کا خاتمہ ہو سکتا ہے۔

کورونا دیوی کی پوجا کرنے کے لیے 20 سال سے لے کر 70 سال تک کی خواتین آتی ہیں اور ان تمام خواتین کا یہی ماننا ہے کہ ‘کورونا دیوی’ کی پوجا کرنے سے وائرس کا خاتمہ ممکن ہو سکتا ہے۔

متعلقہ خبریں