اسلام آباد: کورونا وائرس کے خطرے کے پیش نظر وزیراعظم عمران خان نے جلد قوم سے خطاب کرنے کا اعلان کردیا۔
سماجی رابطے کی ویب سائٹ ٹویٹر پر وزیراعظم نے کہا کہ وہ قوم کو بتانا چاہتے ہیں کہ کورونا وائرس کے بچاؤ کے لیے اٹھائے جانے والے اقدامات کی ذاتی طور پر نگرانی کررہے ہیں اور جلد عوام سے مخاطب ہوں گے۔
انھوں نے عوام کو نصیحت کرتے ہوئے کہا کہ کورونا سے بچاؤ کے لیے حکومت کی ہدایات پرعمل کیا جائے، احتیاط لازم ہے مگر ہیجان کی قطعا ضرورت نہیں۔
وزیراعظم نے عوام کو آگاہ کرتے ہوئے کہا کہ وہ خطرات سے پوری طرح آگاہ اور چوکنا ہیں اور اپنے لوگوں کی صحت و سلامتی کے لیے مناسب انتظامات کر چکے ہیں۔
میں قوم کو بتانا چاہتا ہوں کہ کرونا وائرس کےتدارک کیلئے اٹھائے جانے والے اقدامات کی ذاتی طور پر نگرانی کررہا ہوں اور جلد آپ سے مخاطب ہوں گا۔ عوام کو میری نصیحت ہے کہ کرونا سے بچاؤ کیلئے حکومت کی جاری کردہ ہدایات پر عمل کریں۔ احتیاط اگرچہ لازم ہے مگر ہیجان کی قطعاً ضرورت نہیں۔
— Imran Khan (@ImranKhanPTI) March 14, 2020