اسلام آباد: پنجاب میں انتخابات کے حوالے سے الیکشن کمیشن کا اہم اجلاس ہوا، اجلاس میں آئی جی پنجاب عثمان انور نے 4 سے 5 ماہ تک سیکیورٹی فراہمی کو مشکل قرار دیدیا۔
آئی جی پنجاب عثمان انور کا کہنا تھا کہ اس وقت پولیس کچے کے علاقے میں آپریشن میں مصروف ہے، عام انتخابات کے لیے نفری کی کمی کا سامنا ہے۔
یہ بھی پڑھیں: صوبائی اسمبلیوں کے انتخابات کی تاریخ کا فوری اعلان کریں : صدر کا الیکشن کمیشن کو خط
انہوں نے کہا کہ صوبے میں دہشت گردی کے خطرات بڑھ رہے ہیں، افغانستان سے دہشت گرد گروپس بھیجے جا رہے ہیں۔
ان کا کہنا تھا کہ نفری کی کمی کو پورا کرنے کیلئے فوج اور رینجر کی خدمات درکار ہوں گی۔