جی ٹی وی نیٹ ورک
ٹیکنالوجی

فیس بک اور معروف برینڈ رے بین نے اسمارٹ چشمے متعارف کرادیے

چشمہ

سماجی رابطوں کی مقبول ترین ایپ فیس بک اور چشموں کی معروف برینڈ رے بین نے اسمارٹ چشمے متعارف کرادیے۔

رے بین اسٹوریز نامی یہ اسمارٹ چشمے پہننے والے شخص کی آواز پر کام کریں گے یعنی جس شخص نے اس اسمارٹ چشمے کو پہنا ہوگا اس کے بولنے پر یہ تصاویر اور ویڈیوز بنا سکتے ہیں جب کہ چشمے کے فریم وائرلیس طور پر بذریعہ ایپ فیس بک سے جڑ سکتے ہیں۔

رے بین اسٹوریز نامی یہ اسمارٹ چشمے جو 299 امریکی ڈالرز یعنی 50 ہزار پاکستانی روپے سے زائد قیمت سے شروع ہورہے ہیں، انہیں سب سے پہلے برطانیہ، آسٹریلیا، کینیڈا، آئرلینڈ، اٹلی اور امریکا میں متعارف کرایا جائے گا۔

یہ بھی پڑھیں: لندن: مہاتما گاندھی کا چشمہ پونے 6 کروڑ میں نیلام ہوگیا

ان اسمارٹ چشموں کے فریمز پر کیمرا نصب ہوگا جب کہ فریمز کی کمانیاں فون کالز یا میوزک سننے کے لیے اسپیکر کے طور پر کام کرنے کے لیے ڈیزائن کی گئی ہیں۔

صارفین کمانیوں پر لگے بٹن دباکر یا وائس کمانڈ استعمال کرکے 30 سیکنڈ تک کی تصویر یا ویڈیو کلپ ریکارڈ کرسکتے ہیں۔ اس کے علاوہ ان اسمارٹ چشموں کو فزیکل طور پر بند بھی کیا جاسکتا ہے۔ ان چشموں میں صرف ایپ کو چلانے کے لیے درکار ڈیٹا اکٹھا کیا جاتا ہے۔

متعلقہ خبریں