جی ٹی وی نیٹ ورک
کھیل

فاسٹ بالرشاہنواز دھانی نے بنگلہ دیش کے خلاف ڈیبیو کر لیا۔

Fast bowler Shahnawaz Dhani made his debut against Bangladesh.
پاکستان کرکٹ ٹیم کے فاسٹ بالرشاہنواز دھانی نے بنگلہ دیش کے خلاف ڈیبیو کر لیا۔

پی سی بی کے مطابق شاہ نواز دھانی پاکستان کے ٹی 20 پلیئر نمبر 95 ہیں۔

پی سی بی نے شاہ نواز دھانی کی ویڈیو بھی جاری کی ہے، جس میں وہ انتہائی خوش نظر آئے ان کا کہنا تھا کہ ڈیبیو پر وہ  بہت پرجوش ہیں۔

شاہنواز دھانی کا کہنا ہے کہ انہیں اسی دن کا انتظار تھا، اور آج ان کا خواب پورا ہو گیا۔ ان کا کہنا تھا کہ ہر کھلاڑی اپنی قوم اور ملک کے لیے کھیلنے کا انتظار کرتا ہے کہ وہ میچ میں کھیلے اور اپنی ٹیم کو جتوائے۔

دھانی کا کہنا تھا کہ ان کی خواہش تھی کہ ان کی فیملی اور ان کے سندھی بھائی ان کے ڈیبیو میں ان کے ساتھ ہوتے لیکن وہ ڈھاکہ میں ہیں اس لیے یہ نہیں ہو سکا۔

ان کا کہنا تھا کہ وہ لاڑکانہ کے پہلے انٹرنیشنل کھلاڑی ہیں جس پر انہیں اور لاڑکانہ کے لوگوں کو فخر ہے۔

دھانی نے بتایا کہ ان کے فیورٹ کھلاڑی اور رول ماڈل نیوزی لینڈ کے فاسٹ بالر شین بانڈ ہیں ، شاہنواز دھانی نے ویڈیو میں اپنی والدہ سے بات کی، جس میں انہوں نے میچ کے لیے بہت دعائیں دیں۔

متعلقہ خبریں