اسلام آباد : قومی احتساب بیورو (نیب) نے پی ٹی آئی کے دور حکومت میں نیب ترامیم کے بعد کرپشن الزام پر بنائے گئے واپس ہونے والے ریفرنسز کی تفصیلات سپریم کورٹ میں جمع کروا دی ہے۔
رپورٹ کے مطابق 2019 سے لے کر جون 2022 تک پچاس نیب ریفرنسز واپس ہوئے، جن میں سابق وزیر پانی و بجلی راجہ پرویز اشرف کیخلاف 9 نیب ریفرنسز، سابق وزیراعظم یوسف رضا گیلانی کیخلاف دو ریفرنسز واپِس ہوئے۔
یہ بھی پڑھیں : نیب ترامیم کے بعد ختم ہونے والے کیسز کی تفصیلات ایک بار پھر طلب
سابق وزیر خزانہ شوکت ترین پر بطور شریک ملزم اختیارات کے غلط استعمال کے دو، سابق رکن اسمبلی گلگت بلتستان جاوید حسین اور لیاقت علی جتوئی کیخلاف ایک ایک، سابق گورنر کے پی مہتاب احمد خان کیخلاف نیب ریفرنس بھی پی ٹی آئی کے دور حکومت میں واپس ہوا۔
سابق وزیر صحت گلگت بلتستان گلبہار خان، فرزانہ راجہ اور سابق صدر آصف علی زرداری کیخلاف نیب کا بنایا گیا ریفرنس بھی واپس ہوا۔