جی ٹی وی نیٹ ورک
پاکستان

کراچی میں پاکستان کے پہلے ‘ڈرائیو تھرو کورونا ٹیسٹ سینٹر’ کا افتتاح

ڈرائیو تھرو

کراچی میں پاکستان کے پہلے  ‘ڈرائیو تھرو کورونا ٹیسٹ سینٹر’ کا افتتاح کر دیا گیا۔

ڈرائیو تھرو کورونا ٹیسٹ سینٹر محکمہ بلدیات اور محکمہ صحت سندھ  کی جانب سے  مشترکہ طور قائم کیا گیا ہے۔

اس کے ذریعے کراچی کے شہریوں کا کورونا ٹیسٹ گاڑی میں بیٹھے بیٹھے لے لیا جائےگا

جب کہ اگلے مرحلے میں شہریوں کو گھروں پر بھی ٹیسٹ کی سہولت فراہم ہوگی۔

سندھ ایک بار پھر آگے، پاکستان بھر کورونا وائرس کے مریضوں کی تعداد انیس سو چودہ ہوگئی

وزیر بلدیات سندھ ناصر حسین شاہ نے ڈرائیو تھرو کورونا ٹیسٹ سینٹر کا دورہ کیا اور اپنا ٹیسٹ بھی کروایا جس کی رپورٹ منفی آئی۔

اس موقع پر ان کا کہنا تھا کہ  ڈرائیو تھرو ٹیسٹ سے ڈاکٹرز اور شہریوں کی حفاظت بھی ہوگی

اور ایسے سینٹر سندھ کے دوسرے شہروں میں بھی بنائے جائیں گے۔

انہوں نے بتایا کہ ڈرائیو تھرو ٹیسٹ کے لیے ڈپٹی کمشنر ساؤتھ  آفس کی ہیلپ لائن پر فون کرنا ہوگا، ہیلپ لائن ٹیسٹ کے لیے وقت اور کوڈ فراہم کرے گی۔

وزیر بلدیات کا کہنا تھا کہ ڈرائیو تھرو ٹیسٹ سینٹر میں خصوصی ایکسرے مشین بھی لگائی گئی ہے

جس کے ذریعے  کورونا کے مشتبہ مریضوں کا ایکسرے بھی لیا جائے گا۔

خیال رہے کہ سندھ میں کورونا وائرس کے متاثرہ مریضوں کی تعداد 676 ہوچکی ہے جن میں سے 8 افراد جاں بحق ہوچکے ہیں جب کہ 51 مریض صحت یاب بھی ہوئے ہیں۔

متعلقہ خبریں