جی ٹی وی نیٹ ورک
پاکستان

الیکشن ملتوی ، شیخ رشید کی درخواست پر فیصلہ محفوط

عوامی مسلی لیگ کے سربراہ شیخ رشید کا  این اے60 میں الیکشن ملتوی کرنے کی درخواست پر سماعت مکمل کر لی گئی ہے، جبکہ اس پر فیصلہ مکمل کر لیا گیا ہے۔

جسٹس مجاید مستقیم کچھ دیر میں فیصلہ سنائیں گے۔

این اے 60 میں انتخاب ملتوی ہونے پر عوامی مسلم لیگ کے سربراہ شیخ رشید نے چیف جسٹس آف پاکستان ثاقب نثار سے اپیل کی ہے کہ وہ اس کا سختی سے نوٹس لیں ۔

تفصیلات کے مطابق شیخ رشید نے کہا کہ الیکشن کمیشن نے اختیارات کا غیر آئینی استعمال کیا ہے۔

شیخ رشید احمد نے پریس کانفرنس کرتے ہوئے الیکشن ملتوی کیئے جانے کو سازش قرار دیا اور کہا کہ آج پاکستان کی تاریخ کا سیاہ دن ہے، وہ الیکشن کمیشن کے فیصلے کے خلاف کل ہائی کورٹ میں اپیل کریں گے۔

ان کا کہنا تھا کہ قانون کے تحت صرف امیدوار کی موت پر الیکشن ملتوی ہوتا ہے، الیکشن کمیشن نے الیکشن ایکٹ 2017 کا غلط استعمال کیا۔

یاد رہے کہ ایفیڈرین کیس میں حنیف عباسی کو عمر قید ہونے پرالیکشن کمیشن نے  این اے 60 میں انتخابات ملتوی کر دئیے تھے۔

متعلقہ خبریں