شارجہ: پاکستان کرکٹ ٹیم کے کپتان شاداب خان کا کہنا ہے کہ اچھی کارکردگی نروس ہونے کی وجہ سے نہیں ہوسکی، لیکن کھلاڑیوں میں ٹیلنٹ ہے۔
شارجہ میں میچ کے بعد گفتگو کرتے ہوئے کپتان نے کہا کہ ہم نئے کھلاڑیوں کے ساتھ میدان میں اُترے تھے، نئے کھلاڑیوں سے اچھی کارکردگی نروس ہونے کی وجہ سے نہیں ہوسکی، لیکن کھلاڑیوں میں ٹیلنٹ ہے۔
دوسری جانب افغانستان کرکٹ ٹیم کے کپتان راشد خان کا کہنا تھا کہ 120 رنز ہوتے تو جیت مشکل ہوجاتی، ہمیشہ پاکستان کے خلاف جیت کے قریب پہنچ کر ہار جاتے تھے مگر اس بار فتح مل گئی۔
یہ بھی پڑھیں: افغانستان نے پاکستان کو پہلی مرتبہ انٹرنیشنل میچ میں شکست دے دی
واضح رہے کہ 24 مارچ کی شب افغانستان نے پاکستان کو 6 وکٹوں سے شکست دے کر پہلی مرتبہ پاکستان کے خلاف انٹرنیشنل میچ میں فتح حاصل کی۔