زلمی کے ساتھ مزہ آیا بدقسمتی سے آگے نہیں جاسکے: بابر اعظم

لاہور: پشاور زلمی کے کپتان بابر اعظم کا کہنا ہے کہ جو گول بنایا تھا وہ حاصل کیا، انجوائے کیا لیکن انفرادی کارکردگی سے بڑھ کر ٹیم کی کارکردگی کی اہمیت ہوتی ہے۔

پی ایس ایل 8 کا سفر اختتام ہونے کے بعد پشاور زلمی کے کپتان بابر اعظم نے پریس کانفرنس کرتے ہوئے کہا کہ بولنگ اچھی نہیں ہو سکی، اونچ نیچ ہوتی رہتی ہے، زلمی کے ساتھ مزہ آیا بدقسمتی سے آگے نہیں جاسکے۔

بابر اعظم نے کہا کہ اپنے لیے جو گول بنایا تھا وہ حاصل کیا، انجوائے کیا لیکن انفرادی کارکردگی سے بڑھ کر ٹیم کی کارکردگی کی اہمیت ہوتی ہے۔

یہ بھی پڑھیں: پشاور زلمی کو شکست، لاہور قلندرز پی ایس ایل کے فائنل میں پہنچ گیا

ان کا کہنا تھا کہ پاکستان کی کرکٹ گروم کر رہی ہے، صائم ایوب اور محمد حارث سامنے آرہے ہیں، یہ اچھی بات ہے کہ نوجوان مواقع سے فائدہ اٹھا رہے ہیں جس کا پاکستان کو فائدہ ہوگا

انہوں ئے کہا کہ محمد حارث کو پلان کے مطابق کھلاتے رہے ہیں، اس نے بیٹنگ نمبر کی تبدیلی کو مثبت انداز میں لیا، نوجوان کرکٹرز کو بیٹنگ نمبر سے فرق نہیں پڑتا، حارث کو ہمیشہ یہی بتاتا ہوں کہ اننگز کو لمبی کرو۔

بابر نے لاہور قلندرز کے خلاف میچ پر بات کرتے ہوئے کہا کہ میری وکٹ غلط وقت پر گری، قلندرز کو کریڈٹ دینا چاہیے، حارث رؤف نے اچھی بولنگ کی۔