جی ٹی وی نیٹ ورک
انٹرٹینمنٹ

حدیقہ کیانی نے ڈرامہ ‘الفا براوو چارلی’ میں کام نہ کرنے کی وجہ بتادی

الفا

پاکستان کی مقبول ترین گلوکارہ حدیقہ کیانی نے انکشاف کیا ہے کہ انہیں ماضی کے شہرہ آفاق ڈرامہ سیریل الفا براوو چارلی میں کام کرنے کی پیشکش ہوئی تھی۔

ایک ویب چینل کو انٹرویو دیتے ہوئے انہوں نے اعتراف کیا کہ ماضی میں انہیں متعدد پراجیکٹس میں اداکاری کی آفر ہوئی یہاں تک کہ معروف ڈرامہ الفا براوو چارلی میں بھی اداکاری کیلئے کہا گیا لیکن اس آفر کو قبول نا کرسکی۔

یہ بھی پڑھیں: حدیقہ کیانی کے کیرئیر کی پہلی قوالی

حدیقہ کیانی نے بتایا کہ شعیب منصور کے کام کو دیکھتے ہوئے انہیں انکار کرنا کافی مشکل تھا لیکن جن دنوں اس ڈرامے کی کال آئی اس وقت وہ برطانیہ میں مصروف تھیں اور یہ ہی وجہ تھی کہ وہ الفا براوو چارلی کو بھرپور وقت دینے سے قاصر تھیں اسی لیے ڈرامہ کرنے سے انکار کردیا۔

خیال رہے کہ الفا براوو چارلی 90 کی دہائی کا وہ ڈرامہ ہے جس کی یاد اور اثرات مداحوں کے دلوں میں تازہ ہیں، یہ پاکستانی ٹیلی ویژن انڈسٹری کا بلاک بسٹر ڈرامہ تھا۔

متعلقہ خبریں