جی ٹی وی نیٹ ورک
انٹرٹینمنٹ

میں کرکٹر بننا چاہتا تھا ، معروف گلوگار عاطف اسلم

I wanted to be a cricketer, famous singer Atif Aslam

اے بی ٹاکس سے گفتگو کرتے ہوئے گلوکار عاطف اسلم کا کہنا تھا کہ وہ اتھیلیٹ تھے اور کرکٹر بننا چاہتے تھے ۔

 

عاطف اسلم نے کہا کہ ان کے والدین چاہتے تھے کہ وہ اپنی پڑھائی مکمل کریں، ’والدین کو لگا کہ شاید کرکٹ کھیلنا صرف میرا مشغلہ ہے لیکن وہ نہیں جانتے تھے کہ میں کتنا اچھا کھلاڑی تھا‘۔

انہوں نے کہا کہ کرکٹ کی وجہ سے میری پڑھائی متاثر ہورہی تھی، میں ایک اچھا بولر تھا اور میری توجہ زیادہ سے زیادہ وکٹس حاصل کرنے پر تھی تاہم والدین کی وجہ سے کرکٹ چھوڑدی۔

 

 

عاطف اسلم نے کہا کہ کرکٹ چھوڑنے کے بعد ایک دم خاموش اور اکیلا ہوگیا تھا لیکن ایک دن میں نے نصرت فتح علی خان کو سنا اور پھر میں نے پیچھے نہیں دیکھا۔

گلوکار کا کہنا تھا کہ گلوکاری سے متعلق میں نے اپنے والدین کو نہیں بتایا، میرا پہلا گانا ’عادت‘ ریلیز ہونے کے 3 سال بعد پڑوسی میرے گھر آیا اور والد سے کہا کہ آپ کے بیٹے کی زبردست آواز ہے اور بہت اچھا گانا گایا ہے جس پر والد نے خاص ردعمل نہیں دیا۔

 

عاطف اسلم کا کہنا تھا کہ شروع میں انہیں میرا گانا اچھا نہیں لگا تاہم جب لوگوں نے تعریف کی تو انہیں بھی میری گائیکی اچھی لگنے لگی۔

متعلقہ خبریں