جی ٹی وی نیٹ ورک
بریکنگ نیوز

نئے بجٹ میں کسی ٹیکس چور کو نہیں چھوڑوں گا: وزیر خرانہ

بجٹ ٹیکس

اسلام آباد: شوکت ترین کا کہنا ہے کہ نئے بجٹ میں کسی ٹیکس چور کو نہیں چھوڑوں گا، ٹیکس افسر کسی ٹیکس گزار کو ہراساں نہیں کر سکے گا۔

وزیر خزانہ شوکت ترین کا میڈیا سے غیر رسمی گفتگو کرتے ہوئے کہنا تھا کہ یکم جولائی سے ٹیکس اقدامات پر عملدرآمد شروع ہو جائے گا، نئے بجٹ میں کسی ٹیکس چور کو نہیں چھوڑوں گا، سینیٹ کی خزانہ کمیٹی کے ذریعے مختلف شعبوں کو ریلیف دیا گیا، بجٹ کی مشاورت میں سینیٹ کی تجاویز شامل کی گئی ہیں۔

شوکت ترین کا کہنا تھا کہ ٹیکس معاملات پر تمام فریقین سے بیٹھ کر بات کرنے کیلئے تیار ہوں، تمام فریقین سے بات کرنے کے بعد پالیسی انفورسمنٹ اقدامات ہوں گے، ماضی میں ٹیکس چور ٹیکس نوٹس نظرانداز کرلیتے تھے۔

یہ بھی پڑھیں: ہمیں مجبوراً آئی ایم ایف کے پاس جانا پڑا اور کوئی چارہ نہیں تھا: شوکت ترین

ان کا کہنا تھا کہ اب ایف بی آر کے نوٹسز نظرانداز کرنے والوں نقصان ہوگا، ٹیکس افسر کسی ٹیکس گزار کو ہراساں نہیں کر سکے گا، نئے بجٹ میں ٹیکس چوروں کے لیے کوئی رعایت نہیں ہے۔

متعلقہ خبریں