رانا ثنا اللہ نے اپنے خطاب میں کہا ہے کہ تمام اسمبلیوں کےالیکشن ایک ساتھ ہوں توسب کیلئےبرابری کاموقع ہوگا۔
اسپیکر قومی اسمبلی راجہ پرویزاشرف کی زیر صدارت ہونے والے مشترکہ اجلاس میں خطاب کر تے ہوئے وفاقی وزیر داخلہ رانا ثنا اللہ نے کہا ملک کو سیاسی، انتظامی، عدالتی بحران درپیش ہے،حالات خراب نہیں لیکن خراب کرنےکی کوشش کی جارہی ہےملک میں عدالتی بحران پیداکیاجارہاہے۔
وزیر داخلہ نے کہا پارلیمنٹ کسی بھی اختیارکوبڑھا اور کم کرسکتی ہے،پارلیمنٹ کوآئین میں ترمیم کابھی اختیارہے،ان اداروں کی حدود پارلیمنٹ کی مرہون منت ہے،اداروں کی اپنی حدوداوراختیارہیں،پارلیمنٹ سےافضل کوئی ادارہ نہیں۔
راناثنااللہ نے کہا پاکستان کی افواج دہشتگردی کیخلاف کامیابیاں حاصل کررہی ہے،پاکستان آرمی کےافسران فرنٹ سےلیڈکرتے ہیں، کل پاک فوج کےجوانوں نےجام شہادت نوش کیا، اہم تعیناتی متنازع بنانے کیلئے وزیرآبادواقعہ استعمال کرنےکی کوشش کی گئی،کہہ رہاتھاراناثنااللہ کوچھپنے کی جگہ نہیں ملے گی،26 نومبر کوکہاانسانوں کاسمندرلےکرآؤں گا،سیاسی عدم استحکام تک ملک میں معاشی استحکام نہیں ہوگا۔
وفاقی وزیر نے کہا 25 مئی کے بعد عمران نےدوبارہ جلسےاورریلیاں کیں،اس کےبعداحتجاج کیاگیا،اسلام آبادبند کرنےکاکہاگیا ،راناثنااللہ نے کہا ہٹلرنہ آیاہوتاتوجرمن قوم دنیاکولیڈکررہی ہوتی،ہٹلرکےوقت بھی کہاگیااس کاادراک نہ کیاتوملک کوحادثےسے دوچارکردےگا ،ہٹلربھی جوشیلی تقریرکرتھا،لوگوں کےذہنوں پراثرکرتاتھا،قوم نےاس کی شناخت نہ کی تویہ ملک کوحادثےسےدوچار کردے گا۔
رہنما مسلم لیگ ن نے کہا عمران فتنہ اورفساد ہے،اسےاس کےعلاوہ اس کو کوئی کام نہیں آتا،گزشتہ10،11ماہ میں سیاسی،انتظامی بحران پیداکرنےکی کوشش کی گئی، پونے4سال میں ملک کامعاشی طورپر بیڑہ غرق کردیاگیا،شہزاداکبرروزبیٹھ کرایسی گفتگوکرتاتھاجوکوئی برداشت نہیں کرسکتا،نوازشریف سےلیکرشہبازشریف تک سب پرمقدمات بنائےگئے،آپ نےچیئرمین نیب کوویڈیولیکس سےقابوکیا۔
انہوں نے کہاآج آپ کوویڈیولیکس پرغصہ آتاہے،ایک خاتون کو وزیراعظم ہاؤس میں حبس بےجامیں رکھاگیا،چیئرمین نیب کی ویڈیولیک کی انکوائری نہیں ہوئی،چیئرمین نیب نےاستعمال ہونےسےانکارکیاتواس کی ویڈیولیک ہوئی،مخالفین کیخلاف جھوٹےکیسزاور نیب کواستعمال کیاگیا۔
رانا ثنا اللہ کا کہنا تھا کہ میثاق معیشت کیلئےعمران خان کوبیٹھنےکی دعوت دی گئی، عمران خان نےحکومت میں آکراپوزیشن کیخلاف احتجاج شروع کردیا،2018 میں اس وقت کی اسٹیبلشمنٹ نےالیکشن کومینج کیا،2014 سے2018تک عمران نےکوئی عرصہ سکون سےنہیں گزارا۔
وزیرداخلہ نے کہاعمران خان نے126دن کادھرنادیا،پارلیمنٹ کی تضحیک کی کوشش کی،عمران خان10سال سےافراتفری،انارکی پیداکرنےکی کوشش کررہےہیں، آڈیولیکس اس پہلےبھی ہوتی رہیں،ججزاستعفےبھی دیتےرہے،کہاگیاکہ آڈیولیکس عدلیہ کوبدنام کرنےکی کوشش ہے،کیایہ رائےاس قابل نہیں کہ اس پرغور کیاجاسکے؟ہم کہہ رہےہیں اس طرح کاالیکشن عدم استحکام لائےگا۔
رانا ثنا اللہ نے کہا کیاشفاف الیکشن کی ذمےداری صرف سیاسی جماعتوں کی ہے؟چیف جسٹس کےحکم کوردکرنےکانہیں سوچاجاسکتا،ہم ٹکٹ دینےکاعمل بھی شروع کرچکے ہیں۔
یاد رہے اجلاس میں اداروں اور اُن سے وابستہ شخصیات کیخلاف غلیظ مہم کی مذمت اور قومی اداروں کے احترام سے متعلق قرارداد بھی منظور کی جائے گی۔ پارلیمان کا مشترکہ اجلاس بلانے کا فیصلہ جودیشل کمپلیکس اسلام آباد کے باہرپی ٹی آئی کارکنان کی ہنگامہ آرائی اور پولیس پر حملوں کے بعد ہونے والی اتحادی جماعتوں کی بیٹھک میں کیا گیا تھا۔
یہ پڑھیں : عمران خان کو خطرہ محسوس ہو رہا ہے کہ مریم نواز انہیں ایکسپوز کرے گی: رانا ثنا اللہ