جی ٹی وی نیٹ ورک
بریکنگ نیوز

ایل او سی کا دورہ کرنے والے سفارتکاروں کے سوشل میڈیا پر تاثرات

کرنے والے سفارتکاروں

اسلام آباد : ایل او سی کا دورہ کرنے والے سفارتکاروں نے سماجی رابطے ‏کی ویب سائٹ ٹوئٹر پر اپنے تاثرات لوگوں تک پہنچائے اور بہتر انتظامات پر ڈی جی ‏آئی ایس پی آر کا شکریہ بھی ادا کیا۔

لائن آف کنٹرول کے جورا سیکٹر کا دورہ کرنے والے سفارتکاروں نے ٹوئٹر پر کھل کر اپنے تاثرات کا اظہار ‏کیا۔ یورپی یونین کی سفر نے لکھا کہ دورے میں کشمیر کی خوبصورتی دیکھنے کا ‏موقع بھی ملا‎ ‎تنازع سے متاثرہ لوگوں سے بات چیت بھی ہوئی۔ یورپی یونین کی سفیر ‏نے خوبصورت فضائی مناظر اور دورے کی تصاویر بھی شیئر کیں۔

برطانوی ڈیفنس ‏ونگ کے سفارتکار نے ایل او سی پر کتابوں کی دکان پر خاصا وقت گزارا، برطانوی ‏سفارت کار نے پاکستانی جانب ایل او سی پر بھی تعلیم کی سہولیات کی مکمل فراہمی ‏کا مشاہدہ کیا۔

یہ بھی پڑھیں : بھارت کورونا وائرس سے توجہ ہٹانے کے لیئے ایل او سی پر شہری آبادی کو نشانہ بنارہا ہے : وزیر خارجہ

آذربائیجان سفیر کے ٹویٹ سے ایل او سی کے آس پار بھارت کی جانب سے ‏سفارتکاروں کی محفوظ رسائی فراہم نہ ہونے کا معاملہ تازہ ہو گیا۔

آذربائیجان کے سفیر ‏کے ٹویٹ نے یاد کرا دیا بھارت کسی کو ایل او سی کے اصل حقائق جاننے کا موقع ہی ‏نہیں دیتا جبکہ پاکستان نے ہمیشہ سفارتکاروں اور اقوام متحدہ کے فوجی مبصرین کو ‏مکمل رسائی و سہولت دی جاتی ہے۔

ترکی و دیگر ممالک کے سفیروں نے بھی ایل او ‏سی کے دورے کی تصاویر ٹویٹ کیں۔ سفارتکاروں کے پیغامات پر ڈی جی آئی ایس پی آر کا کہنا تھا کہ پاکستان کے پاس ‏چھپانے کو کچھ نہیں۔

متعلقہ خبریں