جی ٹی وی نیٹ ورک
اہم خبریں

اب کوئٹہ نہیں گھر جاؤ، ٹوئٹر صارفین کی وزیر اعظم پر شدید تنقید

PMIK Twitter

گزشتہ رات کو سانحہ مچھ کے شہداء کے لواحقین اور حکومت کے درمیان مذاکرات کامیاب ہوگئے جس کے بعد دھرنا ختم کرنے اور میتوں کو دفنانے کا اعلان ہوگیا ۔اس فیصلہ کے بعد یہ خبر آئی کے وزیر اعظم عمران خان آج کسی بھی وقت کوئٹہ جائیں گے۔

 

اس خبر کے بعد ٹوئٹر پرایک ٹرینڈ ٹرینڈنگ میں آگیا وہ ٹرینڈ تھا #AbQuettaNahiGharJao۔اس ٹریند نگ کی وجہ عمران خان کو وہ بیان تھاجو انھوں نے جمعہ کو ایک تقریب میں خطاب کے دوران دیا تھا کہ ” دھرنے میں آنے کی شرط رکھنا بلیک میلنگ ہے ایسا کسی ملک میں نہیں ہوتاہے،اگر ایک باریہ سلسلہ قائم ہوگیا تو ہر کوئی اسی طرح بلیک میلنگ کرےگا۔”

 

اس بیان کے بعد عمران خان پر شدید تنقید ہوئی اور وزیر اعظم کے میڈیا مینجزز بھی اس کی خاطر خواہ تاویل نہ دے پائے۔پاکستانی عوام نے اس بیان پر شدید تنقید کی۔جب یہ خبر آئی کے عمران خان کسی بھی وقت کوئٹہ جاسکتے ہیں تو ٹوئٹر صارفین نے اس پر خوب تنقید کی اور ٹوئٹر پر اس ہیش ٹیگ کے ساتھ ٹرینڈنگ ہونے لگی #AbQuettaNahiGharjao۔

ٹوئٹر صارف علی ڈاہیو اپنےٹوئٹ میں لکھتے ہیں کہ ” اب جانے کی ضرورت نہیں اگر آپ میں انسانیت ہوتی تو آپ پہلے ہی چلے جاتے ۔”

 

 

 

مشہور صحافی فہد حسین نے اپنے ٹوئٹ میں لکھا کہ "واہ کیا کانٹے کا مقابلہ تھا: وزیراعظم اسلامی جمہوریہ پاکستان بمقابل لٹے پٹے کٹے دکھیا میتوں سے لیس ہزارہ لوگ – وزیراعظم کو فتح مبارک "

 

 

 

ایک ٹوئٹر صارف حسینی نے ایک ہزارہ بوڑھی خاتون کی روتی ہوئی تصویر کے ساتھ لکھتے ہیں "ایک بلیک میلر ماں”

 

 

 ٹوئٹر صارف اسامہ علی ٹوئٹ کرتے ہوئے 2معصوم ہزارہ بچیوں کی تصویر لگاتے ہوئے لکھتے ہیں کہ”کیا یہ آپ کو بلیک میلر لگتے ہیں؟۔”

 

 

سعود راجپوت ٹوئٹ کرتے ہوئے اپنے جذبات کا اظہار ہزارہ کے جنازوں کی تصویر کے ساتھ کچھ اس انداز میں کرتے ہیں ” کیا پاورفل میچ رہا بلیک میلر اور پی ایم میں اور آخر کار وزیراعظم جیت گئے "

 

 

فاروق نواز سہیل ٹوئٹ میں ایک ہزارہ باپ اور ہنستے ہوئے بچے کی تصویر لگاتے ہوئے لکھتے ہیں "پرائم منسٹر صاحب اگر یہ چہرے آپ کو بلیک میلر لگتے ہیں تو آپ اس عہدے کے اہل نہیں۔”

 

 

آخری اطلاعات کے مطابق عمران خان کوئٹہ پہنچ گئے ہیں۔

 

جی ٹی وی ویب ڈیسک

متعلقہ خبریں