جمال اکبر انصاری اور سیف اللہ نیازی کا بھی پی ٹی آئی چھوڑنے کا اعلان

اسلام آباد: رہنما پی ٹی آئی جمال اکبر انصاری اور سیف اللہ نیازی نے بھی تحریک انصاف چھوڑنے کا اعلان کردیا ہے۔

جمال اکبر انصاری کا کہنا تھا کہ پارٹی کے عہدوں سے استعفیٰ دے رہا ہوں، 9 مئی کے واقعات کی جتنی مذمت کی جائے کم ہے، عمران خان سے بڑھ کر پاکستان اور فوج ہے۔

ان کا کہنا تھا کہ جو چیز غلط ہے اسے غلط ہی کہوں گا، پولیس میرے گھر میں بھی بہت نازیبا انداز سے داخل ہوئی۔

یہ بھی پڑھیں: پی ٹی آئی کی سیاست سے اتفاق نہیں کرتے، مراد راس کا پارٹی چھوڑنے کا اعلان

دوسری جانب سیف اللہ نیازی کا کہنا تھا کہ تحریک انصاف چھوڑنے کا اعلان کرتا ہوں، 9 مئی کے واقعات پر انتہائی افسوس ہے۔

انہوں نے کہا کہ مجھے اب آرام کرنا اور فیملی کو وقت دینا ہے، اپنی صحت کو وقت دینا ہے، گزشتہ سال بہت مشکل میں گزرا۔