جی ٹی وی نیٹ ورک
بریکنگ نیوز

کراچی : لوٹ مار اور موٹر سائیکل چوری میں ملوث چار ملزمان پر مشتمل گروہ گرفتار

چار ملزمان پر مشتمل

کراچی : پولیس کی کامیاب کارروائی میں لوٹ مار اور موٹر سائیکل چوری میں ملوث چار ملزمان پر مشتمل گروہ کر گرفتار کرلیا۔

پولیس نے کراچی کے علاقے شرافی گوٹھ میں خفیہ اطلاع پر ملیر ندی کے قریب کارروائی کے دوران اسٹریٹ کرائم اور موٹر سائیکل لفٹنگ میں ملوث خاتون سمیت چار ملزمان پر مشتمل گروہ کو گرفتار کرلیا ہے۔

گرفتار ملزمان کا گروہ شہر بھر میں چھینا جھپٹی اور موٹر سائیکل چوری کی درجنوں وارداتوں میں ملوث تھا۔ ملزمان موٹرسائیکل چوری کے بعد خاتون ساتھی کو ساتھ بٹھا کر کامیابی سے فرار ہو جاتے تھے۔

گرفتار ملزمان کے قبضے سے دو 30 بور پستول اور تھانہ الفلاح اور شاہ لطیف کی حدود سے چوری کی گئیں موٹر سائیکلیں بھی برآمد کرلیں ہیں۔

یہ بھی پڑھیں : لشکر طیبہ کا اہم رکن ذکی الرحمن لکھوی لاہور سے گرفتار

گرفتار ملزمان نے دوران تفتیش چوری شدہ موٹر سائیکلیں جنید سوسائٹی میں خالی پلاٹ پر لے جا کر غلام قادر نامی شخص کو فروخت کرنے کا انکشاف کیا ہے۔ ملزمان کے مطابق غلام قادر موٹرسائیکلوں کے پارٹس الگ کر کے کباڑی کو فروخت کرتا تھا۔

پولیس نے ملزمان کی نشاندہی پر جنید سوسائٹی میں واقع پلاٹ سے تین موٹر سائیکلوں کے چیچس تحویل میں لے لیے۔ برآمد چیچس تھانہ عوامی کالونی، مبینہ ٹاؤن اور نیو کراچی انڈسٹریل ایریا کی حدود سے چوری کی گئیں موٹر سائیکلوں کے ہیں۔

پولیس کے مطابق ملزمان میں محمد اویس، عبدالرحمن، ندا اور کاوش شامل ہیں۔ ملزمان عادی مجرم ہیں، جن کے خلاف سنگین نوعیت کے مقدمات درج ہیں۔ گرفتار ملزم عبدالرحمن کیخلاف دہشتگردی سمیت دیگر نوعیت کے متعدد مقدمات درج ہیں۔

متعلقہ خبریں