جی ٹی وی نیٹ ورک
صحت

معدے کو صحت مند رکھنے والی بہترین، مختلف چائے

معدے

اکثر لوگ سر درد کی دوا چائے پینا سمجھتے ہیں اور یہ چائے ان کی تکلیف دور کرنے میں بھی بے حد مددگار ثابت ہوتی ہے۔

آج ہم آپ کو ایسی چائے کے حوالے سے بتانے والے ہیں جو کہ معدے کی صحت کے لیے بہترین سمجھی جاتی ہیں اور ان مختلف اقسام کی چائے کا استعمال کر کے آپ معدے سے متعلق بے شمار مسائل سے چھٹکارا بھی حاصل کر سکتے ہیں۔

پودینے کی چائے

پودینے میں اینٹی بیکٹیریل یعنی جراثیم کے خلاف مزاحمت کرنے والی خصوصیات پائی جاتی ہیں اور یہ مختلف انفیکشنز میں آرام بھی پہنچاتا ہے۔

پودینے کی چائے قے اور معدے سے متعلق بے شمار مسائل کے لیے مددگار ثابت ہوتی ہے جب کہ پودینے کی چائے دباؤ اور ذہنی بے چینی ختم کرنے میں بھی معاون ثابت ہوتی ہے۔

مُلیٹھی کی چائے

مُلیٹھی میں بے شمار غذائیت ہوتی ہے جب کہ مُلیٹھی کی چائے کا استعمال کرنے سے صحت پر حیرت انگیز اثرات مرتب ہوتے ہیں۔

قے اور پیٹ سے متعلق مسائل کے حل کے لیے مُلیٹھی کی چائے کا استعمال کرنا بہترین ہے۔

لیموں کی چائے

لیموں کی چائے کا ذائقہ ہلکا ترش ہوتا ہے جو کہ متلی اور قے جیسے مسائل کے لیے مفید ہے۔

لیموں میں موجود سِٹرک ایسڈ نظام ہاضمہ بہتر کرنے میں بھی مددگار ثابت ہوتا ہے۔

ادرک کی چائے

ادرک کی چائے بھی غذائیت سے مالامال سمجھی جاتی ہے، ادرک کی چائے کا استعمال کرنے معدے کی صحت کے لیے بے حد مفید ہے جب کہ یہ ذہنی دباؤ اور اضطراب کی کیفیت میں بھی مددگار سمجھی جاتی ہے۔

متعلقہ خبریں