اسلام آباد: مریم اورنگزیب کا کہنا ہے کہ معیشت کے قاتل اور عوام کے مجرم کو گھر سے نکال کر جیل بھیجنے کا وقت آگیا ہے۔
وزیر اطلاعات مریم اورنگزیب کا عمران خان کے بیان پر ردعمل دیتے ہوئے کہنا تھا کہ فارن ایجنٹ جھوٹا مظلوم بننے کی کوشش کر رہا ہے، کرپشن ختم کرنے، ایک لاکھ نوکری، 50 لاکھ گھر دینے کی بڑھکوں کا کیا ہوا، آپ نے تباہی پھیلائی، آج معیشت کی بات کرتے ہوئے شرم آنی چاہیے، خوف آپ کو اپنے جرائم سے آرہا ہے، خوف اس وقت آنا چاہیے تھا جب قومی خزانے پر آپ ڈاکے ڈال رہے تھے، خوف اس وقت آنا چاہیے تھا جب توشہ خانہ اور عہدوں کی لوٹ سیل لگی ہوئی تھی۔
یہ بھی پڑھیں: آصف زرداری نے سندھ حکومت کا پیسہ ایک دہشتگرد تنظیم کو دیا: عمران خان
مریم اورنگزیب کا کہنا تھا کہ آپکو شوکت خانم اسپتال کے 30 لاکھ ڈالر نجی کاروبار میں لگاتے خوف نہ آیا، فارن ایجنٹ خود گھر میں چھپا بیٹھا ہے اور عوام سے کہتا ہے کہ گھروں سے نکلیں، فارن ایجنٹ کو پتہ ہے گھر سے نکلا تو جھوٹ بولنے کی "آزادی” ختم ہو جائے گی، فارن ایجنٹ کا ہر جھوٹ بے نقاب ہوچکا ہے۔
ان کا کہنا تھا کہ معیشت کے قاتل اور عوام کے مجرم کو گھر سے نکال کر جیل بھیجنے کا وقت آگیا ہے۔