جی ٹی وی نیٹ ورک
پاکستان

مریم نواز نے 6 ہفتے کیلئے باہر جانے کی لاہور ہائیکورٹ سے اجاز طلب کرلی

پاسپورٹ

لاہور: مریم نواز نے 6 ہفتے کیلئے باہر جانے کی اجازت مانگ لی ہے، انہوں نے اپنا نام ای سی ایل سے نکلوانے کے لیے لاہور ہائیکورٹ میں درخواست دائر کردی ہے۔

مسلم لیگ ن کے رہنما مریم نواز نے 6 ہفتے کیلئے باہر جانے کی اجازت مانگ لی ہے، سابق وزیراعظم نواز شریف کی صاحبزادی نے نام ای سی ایل سے نکلوانے کے لیے لاہور ہائیکورٹ میں درخواست دائر کردی ہے۔

جسٹس علی باقر نجفی کی سربراہی میں 2 رکنی بنچ پیر کو درخواست کی سماعت کرے گا۔ مریم نواز نے امجد پرویز ایڈووکیٹ کے ذریعے لاہور ہائیکورٹ میں درخواست دائر کی جس میں وزارت داخلہ، ایف آئی اے، چئیرمین نیب اور ڈی جی نیب کو فریق بنایا گیا ہے۔

یہ بھی پڑھیں: نیب نے مریم نواز کی ضمانت منسوخی کیلئے سپریم کورٹ میں اپیل دائر کردی

درخواست میں موقف اپنایا گیا کہ العزیزیہ ریفرنس میں سزا کے باوجود بیمار والدہ کو چھوڑ کر بیرون ملک سے والد کے ساتھ واپس آئی، موقف سنے بغیر نام ای سی ایل میں شامل کیا گیا، ای سی ایل میں نام شامل کرنے کا میمورنڈرم غیر قانونی اور آئین کی خلاف ورزی ہے۔

مریم کی جانب سے دائر درخواست میں کہا گیا کہ نام ای سی ایل میں شامل کرنے کا میمورنڈم اعلی عدلیہ کے فیصلوں کی بھی خلاف ورزی ہے، عدالتوں میں ڈیڑھ سال تک مسلسل پیش ہوتی رہی ہوں، نام ای سی ایل میں شامل کرنے کا اقدام عجوبہ ہے، عدالت سے استدعا ہے کہ نام ای سی ایل سے نکالنے کا حکم دیا جائے۔

متعلقہ خبریں