کوئٹہ: حافظ حسین احمد دوبارہ جمعیت علمائے اسلام (ف) میں شامل ہوگئے۔
حافظ حسین احمد کی کوئٹہ میں مولانا فضل الرحمان سے ملاقات ہوئی جس میں دونوں رہنماؤں نے ایک دوسرے کے گلے شکوے دور کیے۔
مولانا فضل الرحمان سے ملاقات میں حافظ حسین احمد نے دوبارہ جے یو آئی ف میں شمولیت اختیار کر لی۔
یہ بھی پڑھیں: سینیٹر دلاور خان اور بھائی اعظم خان کا جے یو آئی میں شمولیت کا فیصلہ
ذرائع کا بتانا ہے کہ حافظ حسین احمد نے پارٹی میں بلامشروط شمولیت اختیار کی ہے۔
خیال رہے کہ حافظ حسین احمد 2 بار ایم این اے، ایک بار جے یو آئی کی ٹکٹ پر سینیٹر منتخب ہوئے تھے۔
یاد رہے کہ دسمبر 2020 میں جے یو آئی نے پارٹی پالیسیوں سے ہٹ کر بیان دینے پر حافظ حسین احمد اور مالانا محمد خان شیرانی کو پارٹی سے نکال دیا تھا۔